للشاعر جمال الشقصي

Posted: June 11, 2007 in من هنا و هناك, عمان

قصيدة لامست الجرح فشفته:ـ


عسى ما شرّ يا أرض الكرامـه
عساكِ بخير .. وبنعمه وسلامه
ترى وجهك من أهـداب الثريـا
وماي أفلاجك شفـاه الغمامـه
عساهـا أزمـة أيـام وتعـدي
ويبقى راسك بـراس الكرامـه

حبيبة كل شاعر / كـل مغنَـى
تسوق الشمس لليـل وظلامـه
عمان اللي هدبها بالف موطـن
واناملها سما النـاس العدامـه
خلاصة عطر من روض المحبه
ولا بدّل بهـا التاريـخ هامـه

عمان عيونها عـذرى حشيمـه
تمناها القمـر تجلـس أمامـه
تمنتها الليالـي قلـب عاشـق
سرق ظلم القدر قبلـة غرامـه
تمناها البحـر دانـه وشاطـي
بعد ما ذبلـت أمواجـه ندامـه
تمنتهـا خيـوط الفجـر باكـر
عشان تبشّر القيـظ بصرامـه

عسى (السلطان قابوس) المفدى
بطول العمر للمجـد ابتسامـه
عسى شعب الإمام يعيش سالـم
مثل ما هو على عـز الإمامـه

يا ليت أحْدٍ لهالإعصار سولـف
عن عيونك وهي تروي الثمامه
أو إنه كان يسمع عن صباحـك
عن النخل الكريم بطول عامـه
مَا كان أصلاً تجرّا يصب غيضه
تمنى في رضاك يبوس شامـه
حبيبة قلبي يا ليت العواصـف
تمـر ولا تسـوق إلا السلامـه
عسى ما شر يا قلـب العروبـه
نحبك من هنا .. لْيوم القيامـه

(a poem written by an Omani Poet which I liked)
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s